“Buna darmadağın deməzdim. “Turan Tovuz” pis təsir bağışlamadı. Keyfiyyət fərqi görünürdü. “Turan Tovuz” qalib gəldiyi oyunlarda yaratdığı imkanlardan fərqlənməyi bacarmışdı. Bəxt amili də rol oynayırdı. Oyunu iki hissəyə ayırmaq olar. “Turan Tovuz” ilk hissədə yaxşı təsir bağışladı. Qol buraxsalar da, tez bir zamanda fərqlənməyi bacardılar. Oyunboyu “Turan Tovuz” bütün standart vəziyyətlərdə qalib gəldi. “Qarabağ” hələ də bu komponenti düzəldə bilmir. Nəriman Axundzadə gözlənilməz zərbə ilə komandasını önə çıxardı. Bu qolla millidə və “Qarabağ”da onu tənqid edənlərə cavab verdi. Nərimanı əsassız yerə tənqid etdiklərini düşünürəm. Çətin vəziyyətdə fərqlənməyi bacardı. Məncə, oyunun qırılma nöqtəsi bu oldu. Hesab bərabər olanda “Turan Tovuz” yığcam müdafiə oluna bilərdi. İkinci hissədə daha öndə oynamaq məcburiyyətində qaldılar. Belədə “Qarabağ” səni əks-hücumda yaxalayır. “Turan Tovuz” risk etdi və belə hesab ortaya çıxdı. “Qarabağ” boşluqlardan istifadə edib, fərqlənməyi bacardı. “Turan Tovuz” ikinci qolu buraxandan sonra risk etdi və bunun da cəzasını çəkdi”.