Mahmud Sadıqov yığmanın oyununa baxmayıb
Ölkəmizin U-19 futzal yığması Avropa çempionatının əsas mərhələsində çıxışını başa vurdu.
Maraqlıdı ki, İlqar Aslanovun çalışdırdığı komanda ilk oyunda Bosniya və Hersoqovinaya 2:10 uduzduğu halda, sonrakı oyunda Xorvatiya ilə heç-heçə (3:3) edə bildi. Baş məşqçinin ilk oyundan sonra qapıda Əli Həsənzadəni Hüseyn Abdulovla əvəzləməsi, eləcə də Nazim Hüseynovun əvəzinə Oqtay Mahmudzadəyə şans verməsi diqqətimizi çəkdi. Belə çıxır ki, ilk oyun üçün start heyəti düzgün seçilməmişdi: Bu sualın cavabını Futzal Federasiyasının İcraiyyə Komitəsinin üzvü Mahmud Sadıqovdan soruşduq:
“Müəyyən səbəblərdən oyuna tam baxa bilməmişəm. Yalnız nəticələri bilirəm və şərh vermək istəmirəm. Məsələyə tam hakim deyiləm”.
ƏSƏD SEYİDOV
Digər xəbərlər
