Yığmamızın baş məşqçisi Fernando Santuş bu gün Belarusla oyuna həsr olunan mətbuat konfansı keçirdi.

“Football-plus.az” jurnalistlərlə görüşdən hesabatı təqdim edir.

- Səbuhi Abdullazadənin mətbuat konfrasında iştirakı onun oynayacağı deməkdi? Haiti ilə oyunla müqayisədə hansı dəyişiklik olacaq?
- Elvin Cəfərquliyevdən başqa hamı sabah şans qazana bilər. Səbuhi də bunlardan biridi. Ardıcıl iki oyun keçirmək asan deyil. Bəzi oyunçular istirahət edəcək, bəziləri oynayacaq. Bəzi futbolçular Ramazan ayı olduğuna görə oruc tutur. Hamısına hörmətlə yanaşıram. Daha aqressiv, daha istəkli olmalıyıq. Sadə qollar buraxırıq. Müdafiəyə fikir verməliyik. Həm da qol vurmağa, topa sahib olmağa çalışacağıq. Son oyunda da şanslarımız çox oldu, yararlana bilmədik. Hər oyunda qol epizodlarımız olur, amma alınmadı. Sabah müdafiədə daha inamlı olmalıyıq. Hər oyun belə qollar buraxmaqla yüksək səviyyəli komanda ola bilmərik. Futbol kollektiv oyundu, hamı yaxşı çıxış etməlidi.

- Azərbaycan yığmasının baş məşqçisi yox, futbol mütəxəssisi kimi kənardan baxsaz, gələndən hələ də qələbə qazana bilməyən millinin “sükanı arxasında” olmaq necə hissdi? Qələbə üçün nə qədər gözləməliyik?
- Demək olar ki, hər oyun qələbə şansımız olur. Sadəcə, hamımız inanmalıyıq. İnşallah, sabah bunu yaşayarıq. Düşünməliyik ki, nəyi düz edirik, nəyi səhv. Futbol mütəxəssisi olaraq onu deyə bilərəm ki, müdafiədə inamlı olmalıyıq.

- Haiti ilə oyundan sonra mətbuat konfransında “hücum yox, müdafiə futbolu oynamalıyıq” dediz. Bunun üçün heyətdə hansısa dəyişikliklər olub?
- Hələ son qərar verilməyib. Məşqdən sonra qərar verəcəyik. Oyunçuların durumunun nə yerdə olduğunu bilmirik. Məşqçilərlə buna qərar verəcəyik.

- Son oyundan sonra mətbuat konfransında onu da demişdiz ki, oyunçularım məğlub olmağa çıxmışdı. İndi də o fikirdəsiz, yoxsa emosiyalara qapılıb elə fikir səsləndirdiz?
- Mən elə söz deməmişəm. Mən “meydana daxil olandan sonra məğlub olmağa başladıq” demişəm. İkinci qoldan sonra komanda təslim oldu. Oyunçular həmişə istəkli olmalıdı. Onlarda belə xüsusiyyət var ki, qol buraxandan sonra həvəsdən düşür.

- Şahruddinin performansı aşağı idi, sabahkı oyunda qapıda Rzanı görə bilərik?
- Mən yenə deyirəm, konfransda heyət barədə açıqlama verməyəcəm. Məşqdən sonra bildirəcəm. Siz fərdi təhlillər edirsiz. Heç vaxt komanda adından danışmırsız. Futbol kollektiv oyundu.

- Dünya çempionatının seçmə mərhələsində Fransa rəqiblərimizdən biridi. Bu barədə nə düşünürsüz?
- İki-üç ay sonra bu haqda danışarıq. Hazırda bizim üçün sabahkı oyun vacibdi. Sualınızı cavablayacam, amma indi yox.

- Santuş məğlubiyyətdən sonra həmişə mentallıqdan şikayətlənir. Bura gəldiyiniz az müddət deyil. Bəs bunun axırı necə olacaq?
- Burda cəmi altı oyun keçirmişəm. Heç bir il deyil. Cəmi altı oyun. Ümid edirəm ki, tez bir zamanda bu problem aradan qalxacaq. Həm fərdi, həm də komanda şəklində oyunçularımla danışıram. Futbolçunun özündən də çox şey aslıdı. O vəziyyəti dərindən dərk etməlidi. Biz birlikdə problemi çözməliyik. Siz - jurnalistlər, azarkeşlər çox önəmlisiz, bizə dəstək olmalısız. Futbolda zəngin təcrübəm var. Dəstək olmayanda futbolçular qorxaraq addımlayır. Səhv etmək insana məxsusdu. Səhv etməyən kim var?! Mən də səhv edirəm. Təkcə tənqid yox, həm də dəstək lazımdı. Bu maneələri birgə keçməliyik. Sizi də bir olmağa çağırıram. Milli komanda bu deməkdi.

- Azərbaycan millisinin oyununu komanda oyunu hesab edə bilərik? Santuş gələndən Azərbaycan futbolu üçün hansı dəyişiklik etdiyini düşünür?
- Komanda müdafiə baxımından zəif çıxış edir, çox zəif. Bu təkcə müdafiəçilərə aid deyil, həm də irəli xəttin oyunçularına aiddi. Təkcə qapıçını, müdafiəçini günahlandırmaq düzgün deyil. Kollektiv şəkildə yaxşı oynamalıyıq. Hazırda ən böyük problem aqressivlikdi, müdafiə oluna bilmirik. Bura gəldiyim gündən eyni şeyləri təkrarlayıram. Özünüz də görürsüz, çox sadə qollar buraxırıq. Müdafiə futbolu ancaq müdafiədə oturmaq deyil. Müdafiədən yaxşı oynayıb təhlükəli hücumlar yaratmalıyıq. Yaratdığımız hücumları qola çevirə bilsək, yaxşı nəticəmiz olar.

MÜZƏFFƏR QULUZADƏ