''Mourinyo ilə belə desək, həm eşq, həm də nifrətlə dolu olan münasibətlərim var idi. Hakimlər üçün əsil baş bəlası idi. Deyərdim ki, karyeram boyu qarşılaşdığım ən çətin xarakterli məşqçi idi. Ona üç dəfə qırmızı vərəqə göstərmişəm. Amma digər tərəfdən ona böyük hörmətim var. Hər zaman Mourinyonun mükəmməl məşqçi olduğunu düşünmüşəm. Xarakteri üzündən müəyyən problemlərə səbəb olsa da, premyer-liqaya rəng qatan məşqçilərdən olub. Joze eyni zamanda çox diqqətcil idi. Bir dəfə Entoni Teylor ilə birlikdə bir final oyununa getmişdik. Bizi parkinq yerində görən kimi yanımıza gəlib köhnə dostumuz kimi qucaqlamışdı. Dəfələrlə oyunların gedişində onu yerində oturtmaq məcburiyyətində qalmışdım. Bir dəfə final fitindən sonra paltardəyişmə otağına yollanarkən yanımdan keçən Jozeyə ''sən heç vaxt hakimlərlə bağlı müsbət bir söz söyləmirsən'' dedim. Dərhal mənə baxaraq ''bir dəqiqə gözlə'' dedi və canlı yayında müsahibə verən futbolçunun sözünü yarımçıq kəsdi. Araya girib kameralara ''məncə, bu gün hakim çox yaxşı performans sərgilədi'' deyərək ordan uzaqlaşdı. Yanıma gələrək ''gördünmü, istədiyini dedim, artıq mənə bir borcun var'' dedi. Çox məzəli və çılğın xarakteri var idi''.