Öz dönəminin önəmli ulduzlarından olan Məsut Özil artıq iki ildi, karyerasını bitirib.

Buna baxmayaraq o yenə də müxtəlif xəbərlərlə gündəmə gəlməkdə davam edir.

''Football-plus.az'' xəbər verir ki, Məsutun siyasətə addım atması tək Almaniyada yox, onun şərəfini qoruduğu bəzi klublarda da xoş qarşılanmayıb.

Şənbə günü ''Verder'' sabiq futbolçusu Dieqo Ribasın şərəfinə tədbir keçirəcək. Braziliyalı yarımmüdafiəçi 3 il (2006-09) bremenlilərin şərəfini qoruyub. Bundan başqa o, ''Atletiko'', ''Yuventus'', ''Volfsburq'', ''Fənərbaxça''da da top qovub və karyerasını ''Flamenqo''da bitirib. Tədbirə ''Verder''in bir çox sabiq oyunçuları dəvət olunub. Amma onların arasında Özil yoxdu! Türkəsilli futbolçu Bremen klubunda 2008-10-cu illərdə çıxış edib. Klubun bir rəsmisi ''Bild''ə açıqlamasında bu qərarı belə şərh edib:

Qeyd edək ki, fevralın sonlarında Özil rəsmən siyasətə addım ataraq millət vəkili olub. O, prezident Rəcəp Tayyib Ərdoğanın liderlik etdiyi Ədalət və İnkişaf Partiyasına üzv seçilib. Buna partiyanın konqresində qərar verilib.

Ümumiyyətlə, Özil Türkiyə yığmasına yox, Almaniya yığmasına üstünlük verməsinə baxmayaraq uzun illərdi, Ərdoğan ilə dost münasibətilə seçilir. Onların bu yaxınlığı isə Almaniyada birmənalı qarşılanmır. 2018-ci ildə Məsut Londonda Ərdoğan ilə şəkil çəkdirdiyinə görə həm Almaniya Futbol İttifaqı, həm də Almaniya futbol ictimaiyyəti tərəfindən tənqid atəşinə tutulmuşdu. Bundestimin DÇ-2018-dəki uğursuz çıxışında ən çox bu futbolçu günahlandırılmış və o, çox keçmədən yığma karyerasını bitirdiyini açıqlamışdı.

Elə bu məsələdən başqa da Özil dəfələrlə siyasi mövzularda qalmaqal yaşayıb. 2019-cu ildə o, Uyğur türklərinə zülm edən Çini çəkinmədən tənqid etmişdi. Amma həmin vaxt onun şərəfini qoruduğu ''Arsenal'' bu mövzuda Məsuta dəstək verməmişdi.

Bundan başqa Ərdoğan 2019-da Özilin toyunda nigah şahidi kimi iştirak etmiş və Əminə Gülşə ilə həyatını birləşdirən futbolçuya 4 övlad arzulamışdı.

ƏLİ