“Turan Tovuz”un Misli premyer-liqasının 24-cü turunda “Şamaxı”nın qonağı olduğu matçdan əvvəl yaydığı bəyanatdan xəbərdarsız.

Klub həmin bəyanatda hakimlərin ədalətinə şübhə ilə yanaşdığını qeyd etdiyinə görə AFFA İntizam Komitəsindən əvvəl xəbərdarlıq aldı, ardından 20 min manat cərimələndi.

“Football-plus.az” xəbər verir ki, klub bu cəza ilə barışmaq niyyətində deyil. Bu barədə saytımıza Tovuz təmsilçisinin təsisçisi və ilk prezidenti Vidadi Əhmədov məlumat verib. O, klubun qərarla bağlı Apellyasiya Arbitraj Tribunalına şikayət edəcəyini deyib.

Xatırladaq ki, “Turan Tovuz” dəfələrlə hakim qərarları üzündən etiraz edib. Hətta kollektivin narazılığına tovuzlu azarkeşlər də qoşulub və sonuncu ev matçının ilk dəqiqəsində meydana arxa çeviriblər.

KƏNAN BAHADIR