''Qalatasaray''ın bu qapıçıya görə ödəyəcəyi pul ''Fənərbaxça''ya çatacaq
Bu mövsüm sərgilədiyi inamlı performansla Türkiyə çempionatının ən diqqətçəkən qapıçılarından biri olan ''Eyüpspor''lu Berke Özər ilə bağlı yeni xəbər var.
''Football-plus.az'' xəbər verir ki, ''Eyüpspor''un prezidenti Fatih Kulaksız Portuqaliya təmsilçisi ''Portimonense'' ilə anlaşdıqlarını və 20 faiz pay maddəsini ləğv etdiklərini açıqlayıb:
''Berke müqavilə ilə bizə məxsusdu. ''Portimonense'' ilə anlaşmaya əsasən Berkenin satışından əldə olunacaq məbləğin 20 faizi onlara çatmalı idi. Dünən onlarla razılaşma əldə edərək bu maddəni aradan qaldırdıq. Artıq Berkenin haqlarının 60 faizi bizə, 40 faizi də ''Fənərbaxça''ya məxsusdu. Onun transferi ilə bağlı heç kimlə anlaşmamışıq və heç kimə heç nə söz verməmişik. Mövsümün sonunda mənfəətlərimizi nəzərə alaraq təklifləri dəyərləndirəcəyik''.
İddialara görə ''Qalatasaray'' Fernando Musleradan sonra qapını məhz Özərə əmanət etmək istəyir. Bu şayiələr artıq neçə aydı, dolaşır. ''Eyüpspor'' bu qapıçını 10 milyon avrodan aşağı qiymətə satmaq niyyətində deyil.
Belə çıxır ki, ''Qalatasaray'' 10 milyon avro ödəyəcəyi təqdirdə bu məbləğin 40 faizi, yəni 4 milyon avrosu ''Fənərbaxça''ya çatacaq! ''Fənər'' Berkeni hələ 2018-in yayında 2,5 milyon avroya ''Altınordu''dan transfer etmişdi. Amma İstanbul nəhəngində istədiyi qədər oynamaq şansı qazanmayan istedadlı qapıçı daha sonra ''Vesterlo''da icarədə oyandıqdan sonra Portuqaliyaya yollanmışdı. Burda da özünü göstərə bilmədikdən sonra 2023-də Türkiyəyə qayıdaraq ''Eyüpspor''la müqavilə imzalamışdı.
24 yaşlı qapıçı bu mövsüm 23 rəsmi oyunda forma geyib və qapısını 9 oyunda toxunulmaz saxlayıb.
ƏLİ
Digər xəbərlər
