Bu mövsüm debütant ''Eyüpspor''un heyətində sərgilədiyi oyunla İstanbul nəhənglərinin ciddi maraq dairəsinə düşən Ahmed Kutucunun yeni klubu bəlli olmaq üzrədi.

''Football-plus.az'' xəbər verir ki, qeyri-adi bir şey baş verməsə, 24 yaşlı forvard karyerasını ''Qalatasaray''da davam etdirəcək. ''Cim-Bom'' Mauro İkardinin zədələnməsindən sonra hücumda yaranan boşluğu məhz bu futbolçu ilə doldurmağa yaxındı. Tərəflər arasında artıq 6 milyon avroluq anlaşma əldə olunub. Amma bu məbləğin ödənilmə şərtində hələ ki, anlaşmaq mümkün olmayıb.

UEFA-ya göndərilən iştirak ərizəsində də dəyişiklik edilməsi və İkardinin yerinə ora Kutucunun adının salınması planlaşdırılır. ''Eyüpspor''un vitse-prezidenti Fatih Kulaksız ''A Spor'' kanalına açıqlamasında bunları deyib:

Qeyd edək ki, Kutucu eynilə hazırda ''Qalatasaray''da top qovan Kaan Ayhan kimi Almaniyanın Helzenkirhen şəhərində doğulub və ''Şalke-04''ün yetirməsidi. İlk peşəkar müqaviləsini də məhz bu klubla imzalayıb. O, 2020-də ''Şalke-04''dən ayrıldıqdan sonra 1 mövsüm ''Herakl'', yarım mövsüm ''İstanbul BŞ''də çıxış edib. Daha sonra ilyarım 2-ci bundesliqa təmsilçisi ''Sandhauzen''də forma geyən Kutucu 2023-ün yayında Türkiyəyə qayıdaraq ''Eyüpspor''la müqavilə imzaladı. Həmin vaxtdan etibarən Arda Turanın da baş məşqçi postuna gəlişi ilə Ahmed yeni səviyyəyə yüksəlməyə başladı.

Ötən mövsüm o, 1-ci liqada 14 qol, 4 məhsuldar ötürməlik performans ilə ''Eyüpspor''un tarixində ilk dəfə elitaya vəsiqə qazanmasında mühüm rol oynadı. Bu mövsüm isə superliqada keçirdiyi 18 oyunda onun aktivində 8 qol, 7 məhsuldar ötürmə var. Türkiyə yığmasına o indiyə qədər yalnız 2 oyun keçirərək qol hesabını aça bilməyib.

ƏLİ