Polşa Ekstraklasasında 21-ci turun oyunları keçirilir.

"Football-plus.az" xəbər verir ki, Rahil Məmmədovun çıxış etdiyi "Radomyak" səfərdə "Qurnik Zabje”nin qonağı olub. Matç meydan sahiblərinin 3:2 hesablı qələbəsi ilə başa çatıb.

Rahil də bu qarşılaşmanın iştirakçısı olub. 29 yaşlı mərkəz müdafiəçisi oyuna start heyətində başlayıb və sona qədər meydanda olub.

Bu məğlubiyyətdən sonra 21 xalda qalan "Radomyak" 18 komanda arasında 15-ci pillədə qərarlaşıb.