İspaniyanın qadınlardan ibarət çempionatının 18-ci turunda Kataloniya derbisi baş tutdu.

Çempionatın lideri ''Barselona'' səfərdə ''Espanyol''u 2 cavabsız qolla məğlub etdi. Bu qarşılaşmada yaşanan bir olay İspaniyada gündəmi zəbt edərək sosial şəbəkələrdə çox böyük müzakirələrə səbəb olub. Bir epizodda ''Espanyol''un müdafiəçisi Daniela Karakas ilə ''Barselona''lı Mapi Leon arasında cərimə meydançasında yüngül münaqişə yaşandı. Amma münaqişənin davamında Mapi Leon rəqibinə tərs-tərs baxdıqdan sonra əllərini onun ayaqları arasına toxunduraraq ''penisin varmı'' sualını verdi.

İlk baxışdan Karakas bu suala əhəmiyyət vermədi və oyun davam etdirildi. Amma final fitindən sonra bu olayın üstü açılınca həngamə qopdu. ''Espanyol'' rəsmi bəyanat yayaraq Mapi Leonun hərəkətini qınadı və bunun cəzasız qalmamalı olduğunu bildirdi. Bəyanatda qeyd olundu ki, Karakas bütün diqqətini oyuna yönəltdiyindən həmin an durumun ciddiliyinin fərqinə varmadı. Futbolçu məsələnin ciddiliyini yalnız bir neçə dəqiqə sonra anladı, amma komandaya zərər vurmamaq və cəza almamaq üçün hisslərinə hakim olmağa çalışdı.

29 yaşlı Mapi Leonun cəza alıb-qalmayacağı barədə məlumat yoxdu.

ƏLİ