“Yuventus” Alberto Koştanı transfer edib.

İtaliya klubunun mətbuat xidmətinin məlumatına görə, “Vitoria”nın 21 yaşlı sağ cinah müdafiəçisi üçün 12,5 milyon avro məbləğində təzminat ödənilib. Turin klubu gənc futbolçuya görə bonus kimi daha 2,5 milyon avro xərcə düşə bilər. Alberto ilə müddəti 2029-cu ilin yayına qədər nəzərdə tutulan müqavilə bağlanıb.

Qeyd edək ki, Koşta bu mövsüm Portuqaliya klubunda 21 oyuna çıxaraq 1 qol vurub və 3 məhsuldar ötürmə edib.