Dekabrın son, yanvarın ilk günlərində A seriyasında keçirilən 18-ci və 19-cu turların oyunlarından sonra liderlər qrupunda vəziyyət dəyişdi.

"Football-plus.az" xəbər verir ki, “Atalanta”nın büdrəməsindən və “Yuventus” ilə oyununun təxirə salınmasından maksimum yararlanan “Napoli” liderliyi ələ aldı.

15-ci turdan vahid lider mövqeyində olan “Atalanta” qələbə seriyasını davam etdirə bilmədi. Bunu ehtimal etmək olardı: Can Pyero Qasperininin komandası mövsümü çox yaxşı keçirən “Latsio”nun qonağı oldu. Romalılar dekabrın 16-da keçirilən sonuncu ev oyununda “İnter”ə rüsvayçı məğlubiyyətdən (0:6) sonra azarkeşlərinin könlünüalmaq üçün əllərindən gələni etdilər. İlk dəqiqələrdən əhəmiyyətli üstünlüyə malik olan Marko Baroninin komandası erkən qola çox yaxın oldu. Lakin Karnesekki Kastelyanosun iki zərbəsinin qarşısını aldı, Genduzi isə topu dirəyə tuşladı. Ev sahibləri istəyinə hissənin ortalarında Dele-Başirunun dəqiq zərbəsi ilə çatdılar. Fasiləyə qədər hücumda, demək olar ki, heç nə ilə yadda qalmayan berqamolular ikinci hissədə özlərinə bənzədilər. Nəticəyə Qasperininin əvəzləmələrinin çox təsiri oldu. Kuadrado komandasının oyununu fəallaşdırdı. Ümumiyyətlə, matçın həlledici hissəsi qarşılıqlı hücumlar şəraitində keçdi. Qonaqların qol vurmaq şansı daha çox oldu və meydana 84-cü dəqiqədə çıxan Breşianini beqamoluları məğlubiyyətdən qurtardı.

Liderin əsas izləyicisi “Napoli”nin evdə “Venetsiya”dan maksimum xal alacağı gözlənilirdi. Amma qələbə cənublulara heç də asan başa gəlmədi. Lukaku 37-ci dəqiqədə penaltini boşa verdi. Onun zərbəsinin qarşısını alan Stankoviç daha bir neçə epizodda əla oynadı. Ancaq qonaq komanda çətin səfərdən əliboş döndü: meydana 70-ci dəqiqədə çıxan Raspadori sensasiyaya imkan vermədi. Antonio Kontenin komandası üçün Florensiyaya səfərin daha çətin kecəyəyini güman etmək olardı. Neapolluların bu mövsüm çox yaxşı nəticələr göstərən “Fiorentina”dan Kvaratsxeliya və Politano kimi aparıcı hücumameyilli oyunçularsız neçə xal alacağı maraq doğururdu. Cənublular ilk dəqiqələrdən oyuna hakim olmaqla rəqibi çox çətin vəziyyətə saldılar. Neres, Lukaku və Maktomineyin vurduğu qollar onlara inamlı qələbə qazandırdı. Ardıcıl 4-cü qələbə və “Atalanta”nın “Yuventus” ilə oyununun təxirə salınması “Napoli”nin vahid liderliyə yüksəlməsinə şərait yaratdı.

Əvvəlki turda “Montsa”ya qalib gəlməklə (2:1) 4 oyunluq heç-heçə seriyasına son qoyan “Yuventus” bu sindromdan heç cür qurtula bilmir. Turinlilər 18-ci turun ev oyununda “Fiorentina” ilə də “sülh”ə razılaşdılar - 2:2. Bu mövsüm çempionatda məğlub olmasa da, 11 dəfə heç-heçə edən “qoca sinyora” artıq liderlər qrupundan uzaq düşüb. Yeni lider “Napoli” indi Tyaqo Mottanın çalışdırdığı komandanı 12 xal qabaqlayır.

İtaliyanın digər nəhəngi də qeyri-sabit çıxışını davam etdirir. “Milan” 18-ci turun ev oyununda problemləri başdan aşan “Roma”dan bir xal ala bildi. 1:1 hesabı Paulu Fonsekanın baş məşqçi vəzifəsindəki son nəticəsi oldu. Bu posta yayda təyinat alan portuqaliyalının “Milan”dakı fəaliyyəti cəmi 6 ay çəkdi.

Paytaxtın eyniadlı komandası üçün növbəti tur daha uğurlu alındı. “Roma” derbidə əzəli rəqibi “Latsio”nu iki cavabsız qolla məğlub etdi. Bu da var ki, Klaudio Ranyerinin təyinatından sonra tədricən özünə gələn “canavarlar” ilk dövrəni 10-cu yerdə başa vurdular.

18-ci tur
Latsio – Atalanta 1:1
Dele-Başiru, 27 - Breşianini, 88. (48000)
Latsio: Provedel, Tavareş (Luka Pelleqrini, 63), Romanyoli, Xila, Maruşiç, Rovella, Genduzi, Zakkanyi (Dia, 70), Çauna (İsaksen, 63), Dele-Başiru, Kastelyanos (Kastrovilli, 63).
Atalanta: Karnesekki, Kolaşinats (Breşianini, 84), Hin (Kuadrado, 46), Cimşiti, Zappakosta (Kossunu, 46), Ederson, Bellanova, De Roon, De Ketelare (Zanyolo, 76), Paşaliç (Samarciç, 56), Lukman.
Napoli – Venetsiya 1:0
Raspadori, 79. (51199)
Napoli: Meret, Olivera (Spinatsola, 88), Juan Jezus, Rrahmani, Di Lorentso, Maktominey, Lobotka, Zambo Angissa (Raspadori, 70), Kvaratsxeliya (Politano, 75), Neres, Lukaku.
Kalyari – İnter 0:3
Bastoni, 53. Lautaro Martines, 71. Çalhanoğlu, 78-p. (16412)
İnter: Zommer, Dimarko (Auqusto, 73), De Vrey, Bissek, Bastoni, Dyumfris, Barella (Zyelinski, 63), Mxitaryan (Asllani, 80), Çalhanoğlu (Frattezi, 80), Lautaro Martines, M.Türam (Taremi, 79).
Yuventus – Fiorentina 2:2
K.Türam, 20; 48 – Ken, 38. Sottil, 87. (41188)
Yuventus: Di Qreqorio, Makkenni (Kambyaso, 63), Kalulu, Qatti (Facoli, 89), Savona, Lokatelli, Koopmeyners, K.Türam (Duqlas Luis, 89), Mbanqula (Yıldız, 63), Konseysao, D.Vlahoviç (Qonsales, 82).
Fiorentina: De Xea, Parizi (Qosens, 76), Ranyeri, Dodo, Komutso, Adli (Riçardson, 76), Kataldi (Mandraqora, 65), Sottil, Qudmundsson (Beltran, 59), Kolpani (İkone, 76), Ken.
Milan – Roma 1:1
Reynders, 16 - Dibala, 23. (74283)
Milan: Menyan, Ximenes, Tiav, Qabbya, Ernandes, Emerson, Reynders, Çukvueze (Abraham, 62), F.Terraçano (Bennaser, 62), Fofana, Morata (Kamarda, 86).
Roma: Svilar, Ndika, Hummels (Lorentso, Pelleqrini, 46), Mançini, Anxelinyo, Kone (Çelik, 46), Paredes, Salemakers (Əl-Şaaravi, 79), Pizilli, Dibala, Dovbik (Şomurodov, 86).
Bolonya – Verona 2:3
Dominges, 20; 58 – Sarr, 38. Tenqstedt, 45+2. Kastro, 88-öz qapısına. (26454)
Bolonya: Skorupski, Miranda, Lukumi, Beukema, Holm (De Silvestri, 89), Pobeqa, Fröyler, Dominges (Ndoy, 80), Odqor (Dallinqa, 89), Fabbian (Orsolini, 89), Kastro.
Empoli – Cenoa 1:2
Espozito, 74 – Badel, 46. Ekuban, 68. (12657)
Parma – Montsa 2:1
Ernani, 56-p. Valenti, 90+8 – Pedro Pereyra, 85. (17499)
Udineze – Torino 2:2
Ture, 41. Lukka, 49 – Adams, 53. Riççi, 69. (23082)
Komo – Leççe 2:0
Pas, 49. Kutrone, 79. (12000)

19-cu tur
Fiorentina – Napoli 0:3
Neres, 29. Lukaku, 54-p. Maktominey, 68. (21685)
Fiorentina: De Xea, Parizi (Qosens, 59), Ranyeri, Dodo, Komutso, Adli (Kataldi, 79), Mandraqora (Riçardson, 73), Sottil, Beltran (Kuame, 79), Moreno (Kolpani, 59), Ken.
Napoli: Meret, Olivera (Gilmor, 79), Juan Jezus, Rrahmani, Di Lorentso, Maktominey, Zambo Angissa, Lobotka (Raspadori, 89), Spinatsola (Matsokki, 86), Neres (Nqonq, 86), Lukaku (Simeone, 73).
Roma – Latsio 2:0
Lorentso Pelleqrini, 10. Salemakers, 18. (65042)
Roma: Svilar, Ndika, Hummels, Mançini, Anxelinyo, Kone, Paredes, Salemakers (Pizilli, 67), Lorentso Pelleqrini (Əl-Şaaravi, 67), Dibala (Baldantsi, 74), Dovbik (Şomurodov, 74).
Latsio: Provedel, Tavareş (Luka Pelleqrini, 89), Romanyoli, Xila, Maruşiç (Latsari, 79), Rovella, Genduzi, Zakkanyi (Noslin, 89), Dele-Başiru (Dia, 46), İsaksen (Çauna, 46), Kastelyanos.
Venetsiya – Empoli 1:1
Pohyanpalo, 5 – Espozito, 32. (10591)
Verona – Udineze 0:0
(23663)
Montsa – Kalyari 1:2
Kaprari, 6-p. – Zortea, 22. Pikkoli, 57. (10982)
Leççe – Cenoa 0:0
(26436)
Torino – Parma 0:0
(19744)
“Komo” – “Milan” və “Atalanta” – “Yuventus” oyunları yanvarın 14-nə, “İnter” – “Bolonya” oyunu isə yanvarın 15-nə təxirə salınıb.

1. Napoli 19 14 2 3 30-12 44
2. Atalanta 18 13 2 3 43-20 41
3. İnter 17 12 4 1 45-15 40
4. Latsio 19 11 2 6 33-27 35
5. Yuventus 18 7 11 0 30-15 32
6. Fiorentina 18 9 5 4 31-18 32
7. Bolonya 17 7 7 3 25-21 28
8. Milan 17 7 6 4 26-17 27
9. Udineze 19 7 4 8 23-28 25
10. Roma 19 6 5 8 26-24 23
11. Torino 19 5 6 8 19-24 21
12. Empoli 19 4 8 7 18-22 20
13. Cenoa 19 4 8 7 16-27 20
14. Parma 19 4 7 8 25-34 19
15. Verona 19 6 1 12 24-42 19
16. Komo 18 4 6 8 20-30 18
17. Leççe 19 4 5 10 11-31 17
18. Kalyari 19 4 5 10 18-32 17
19. Venetsiya 19 3 5 11 18-32 14
20. Montsa 19 1 7 11 17-27 10

Bombardirlər: Retegi (Atalanta), M.Türam (İnter) - 12, Ken (Fiorentina) - 11, Lukman (Atalanta) - 9.
Növbəti turun oyunları yanvarın 10-13-ü aralığında keçiriləcək: Latsio – Komo, Empoli – Leççe, Udineze - Atalanta, Torino - Yuventus, Milan – Kalyari, Cenoa – Parma, Venetsiya - İnter, Bolonya - Roma, Napoli – Verona, Montsa - Fiorentina.

Turun rəqəmi
11 – nəhayət, “Atalanta”nı dayandıran tapıldı. “Latsio” ilə heç-heçəyə razılaşan berqamoluların çempionatdakı 11 oyunluq qələbə seriyası qırıldı. Qeyd edək ki, bu seriya “Atalanta” üçün A seriyasında rekord göstəricidi.

Turun ulduzu
Kefren Türam (Yuventus) - hücumameyilli futbolçuların oyunu alınmayanda digər ampluada çıxış edənlər rəqib qapısında qol axtarmağa çalışırlar. Türam “Fiorentina” ilə matçda bu missiyanı üzərinə götürdü. Məhz dayaq yarımmüdafiəçisinin vurduğu iki qol “Yuventus”a xal qazandırdı. 23 yaşlı Kefrenin A seriyasında qol hesabını açdığını da qeyd edək.

Turun sitatı
Paulu Fonseka, “Milan”nin baş məşqçisi: