İlya Zabarnı karyerasını superklubda davam etdirmək şansına malik olsa da, bu imkandan yararlanmaq istəməyib.

Səbəb milli münaqişə ilə bağlıdı. “Bornmut”un və Ukrayna yığmasının müdafiəçisi PSJ-yə keçməkdən imtina edib. “Ekip” nəşrinin jurnalisti Lui Tanzinin sosial şəbəkə hesabında yazdığına inansaq, 22 yaşlı futbolçunun bu qərarı verməsinə parislilərin heyətində rusiyalı Matvey Safonovun çıxış etməsi səbəb olub. Mənbənin məlumatına görə, PSJ-nin baş məşqçisi Luis Enrike Zabarnını komandasında görməyi çox istəyib. Lakin ukraynalı rusiyalı ilə eyni komandada oynamağı lazım bilməyib.

Qeyd edək ki, İlya bir müddət əvvəl Rusiyanın Ukraynaya hərbi müdaxiləsini pisləyən fikirlər səsləndirib.