Ukraynada iki klub birləşdi
Ukrayna klub futbolunda zəruri hadisə baş verib. Premyer-liqanın iki təmsilçisi birgə bəyanat yayıb. “Karpatı” və “Rux” klubları birləşdiklərini elan ediblər.
"Football-plus.az" xəbər verir ki, hər iki klub Lvovu təmsil edir. Hazırda komandalar turnir cədvəlində qonşu pillələrdədilər: “Karpatı” Ukrayna premyer-liqasında 17 oyuna 24 xalla 6-cı, “Rux” isə 23 xalla 7-ci yeri tutur. Qərar 2025/26 mövsümündən qüvvəyə minəcək. Klublar cari mövsümü isə ayrıca başa vuracaqlar.
Yeni klubun əsas bazası “Karpatı”nın heyəti ilə formalaşacaq, “Rux” isə 2025-ci ilin yayından akademiyanın fəaliyyəti ilə məşğul olacaq. Birgə bəyanatda belə deyilir:
“Çətin dövrümüzdə belə bir məqsəd qeyri-standart hərəkətlər və həllər tələb edir. Məhz buna görə də hər iki klubun təsisçiləri və rəhbərləri “Karpatı” futbol klubunu inkişaf etdirmək üçün güclərini birləşdirməyə qərar veriblər”.
Digər xəbərlər
