Son günlər Neymarla bağlı yayılan maraqlı xəbərlərə biri də əlavə olunub.

“Əl-Hilal”ın rəhbərliyi ulduz futbolçu ilə bağlı qərarını verib. “Marca” qəzetinin məlumatına görə, braziliyalı hücumçu ən azı bu mövsümün sonuna qədər komandada qalacaq. Neymar dizinin çarpaz bağları zədələndiyi üçün Səudiyyə Ərəbistanı çempionatında bu mövsüm heç bir oyun keçirməyib. Onun klubla müqaviləsinin müddəti gələn ilin yayında sona çatacaq.

Qeyd edək ki, bir neçə gün əvvəl yayılan xəbərdə Neymarın qışda sabiq klubu “Santos”a (Braziliya) qayıtmaq istədiyi bildirilmişdi.