“Real” və “Barselona”nın sabiq futbolçuları arasında yoldaşlıq matçı keçirilib.

Qətərdə təşkil olunan “El Klasiko” 2:2 hesabı ilə başa çatıb.

Hər biri 40 dəqiqə olan iki hissəlik matça kataloniyalıların heyətində Xuan Pablo Sorin və Ronaldinyo, madridlilərdən isə Luiş Fiqu ilə Edvin Konqo qol vurub. Sabiq “Barselona”lı Patrik Klyuvert matçın sonlarında penaltini dəqiq yerinə yetirə bilməyib. Qalibin müəyyənləşməsi üçün penalti seriyasına ehtiyac duyulub. Bu sınaqda rəqibdən üstün olan “Barselona” 4:2 hesablı qələbə qazanıb.

Qeyd edək ki, bu komandaların veteranları arasında digər matç dekabrın 15-də Yaponiyanın paytaxtı Tokioda keçiriləcək.