İspaniyanın, eləcə də futbol dünyasının iki nəhəngi olan ''Real'' və ''Barselona''nın sabiq ulduzları yenidən üz-üzə gələcək.

''El Klasiko'' kimi tanınan bu duelə Qətər ev sahibliyi edəcək. Oyun noyabrın 28-də Qətərin paytaxtı Dohada yerləşən '' Xəlifə Beynəlxalq Stadionu''nda keçiriləcək və Bakı vaxtı ilə saat 20.00-da başlayacaq. ''Visit Qatar'' şirkəti tərəfindən təşkil olunan və Qətər Futbol Federasiyası tərəfindən dəstəklənən tədbir Qətərin idmana olan qayğısının bir nümunəsi kimi təşkil ediləcək. İki komandanın sabiq ulduzları futbolsevərlərə nostalji bir ''El Klasiko'' ab-havası yaşadacaq.

''Barsa''nın heyətində Ronaldinyo, Puyol, Xavi, Deko, ''Real''da isə Kasilyas, Roberto Karlos, Luiş Fiqu kimi isimlər yer alacaq. Bu özəl qarşılaşmadan öncə də müxtəlif tədbirlər keçiriləcək. Fanatlar oyunçularla söhbət etmək və xatirə şəkili çəkdirmək fürsəti əldə edəcək. Bu matça dünya futbol ictimaiyyətinin böyük maraq göstərəcəyi gözlənilir.

ƏLİ