“Klublar Birliyinin son toplantısında “Fənərbaxça”ya qarşı keçirəcəyimiz oyuna əcnəbi VAR hakiminin dəvət olunması müzakirə olundu və hər kəs bu fikri dəstəklədi. Fikrimcə, federasiya həmin oyun üçün məhz belə qərar qəbul edəcək. TFF prezidentinə yerli və milli məsələlər mövzusunda bu qədər inadkar olmamağı məsləhət gördük. Məsələn, maşınlar başda olmaqla bir çox şey xaricdən gəldikdən sonra rəqabət gücləndi. Bizim sözlərimizdən sonra TFF başqanı da bu məsələyə müsbət yanaşmağa başladı. Tək çempionluğa oynayan yox, aşağı pillələrdəki komandaların da önəmli matçlarına əcnəbi VAR hakimlərinin dəvət olunması təklif edildi. Hakim səhv edə bilər. Amma VAR-da oturan hakimin səhv etməyə ixtiyarı yoxdu! Oyunları göstərən kanal da bu məsələyə həssas yanaşmalıdı. Görüntüləri özləri istədikləri kimi yox, ədalətli şəkildə göstərməlidilər. VAR hakimləri Türkiyə futbolunun müqəddəratını həll edir. Həftəsonunu hər kəs rahat keçirmək üçün pul xərcləyib stadiona gəlir. Eləcə də forma alırlar və ya yayın şirkətinə abunə olurlar. Elələri var ki oyunlara baxmaq üçün uşağı və həyat yoldaşı ilə çölə çıxmır. Bunun sosioloji tərəfi də var və insanlar ədalət istəyir. VAR-ın bir epizodu 7-8 dəqiqə incələməyə haqqı yoxdu. Dünyanın heç bir yerində belə şey yoxdu. Burdakı sistem illər öncə qurulub və ədalətli deyil. Bu sistemin qurucuları ondan vaz keçmək istəmir. Bu məsələ həllini tapmadan Türkiyə futbolunun inkişaf etməsi, Avropada uğur qazanması mümkün deyil. Xaricdəki oyunları da izləyirik. Qərara etiraz edən olurmu? Amma bizdə nə baş verir? Məşqçi hakimə “sən bir daha burda oyun idarə edə bilmərsən” deyir. Biz zəif oynayıb uduzsaq, heç vaxt hakimi bəhanə etmərik. Amma “Beşiktaş”ın önü kəsilirsə və haqqı yeyilirsə, camiə heç vaxt buna göz yuma bilməz”.