Mbappeni yerin dibinə soxdular: ''Heç Azardan da güclü deyil''
Çempionlar Liqasında əsas mərhələnin 5-ci turuna yekun vuruldu.
Turun böyük səbirsizliklə gözlənilən duelində ''Liverpul'' 2:0 hesabı ilə qalib gələrək ''Real''a qarşı 8 oyunluq qələbəsiz seriyaya son qoydu. ''Liverpul'' 5-ci oyunda 5-ci qələbəsini qazandı və əsas mərhələdə xal itirməyən yeganə komandadı. '
"Real''ın durumu isə fanatlarını narahat etməyə bilməz. ÇL-in son qalibi statusunda olan komanda 5-ci oyunda 3-cü dəfə uduzdu. Madrid nəhəngi hazırda 6 xalla 24-cü pillədə qərarlaşıb və pley-off zonasından kənar qalmaq təhlükəsi ilə üzləşib.
''Real''ın heyətində növbəti zəif oyununu keçirən Kilian Mbappe xüsusilə penalti qaçırmaqla antiqəhrəmana çevrildi. Onun 62-ci dəqiqədə hesab 1:0 olarkən yerinə yetirdiyi penaltini meydan sahiblərinin qapıçısı Kelleher dəf etməyi bacardı. Fransalı ulduz çox ciddi tənqidlərə tuş gəlib. Məsələn, tanınmış fransalı jurnalist Daniel Riolo onunla bağlı bunları deyib:
''Bu oğlan tamamilə özündə deyil. Onun beynində hər şey bir-birinə qarışıb. Bunu onun penaltini vurma tərzindən də görmək mümkündü. İndi o qədər bərbad durumdadı ki, onu heç futbolçu adlandırmaq da düzgün deyil. Meydanda heç nə etmir. Heç normal hərəkət edə, qaça da bilmir. Bir futbolçunun qısa müddət ərzində bu dərəcədə yoxa çıxmasını ilk dəfədi, görürəm. Psixoloji cəhətdən quyunun dibindədi. Hər növbəti oyunda o artıq sanki oynamaq istəmədiyini göstərir. Mbappenin gözündə heç bir alov, istək görmürəm''.
İspaniyalı jurnalist Mikel Blastes də sərt fikirlər səsləndirib:
''İnsanlar onu bir neçə il öncə Lionel Messi ilə müqayisə edirdilər. Amma Messi 25 yaşında artıq 4 dəfə ''Qızıl top''u qazanmışdı. Mbappe isə bu dəqiqə heç Eden Azardan da güclü deyil. Bu da hər kəsi məyus edir''.
ƏLİ
Digər xəbərlər
