2036-cı ildə keçiriləcək Olimpiya Oyunlarının təşkilatçılıq hüququ Qətərin paytaxtı Dohaya veriləcək.

Bu haqda xəbəri İspaniyanın “Relevo” nəşri yayıb.

Bu qaynağa inansaq, hazırda Qətər ilə Beynəlxalq Olimpiya Komitəsi yekun detalları razılaşdırmaq mərhələsindədi. Bu ölkənin namizədliyi ona görə qəbul olunub ki, Doha son 10 ildə dəfələrlə nəhəng idman tədbirlərinin təşkilatçılığının öhdəsindən gəlib.

2015-ci ildə həndbol, 2016-cı ildə velosiped idmanı, 2018-ci ildə idman gimnastikası, 2019-cu ildə yüngül atletika, 2022-ci ildə futbol üzrə dünya çempionatları, həmçinin bu il üzgüçülük üzrə Dünya kuboku Qətərin paytaxtında keçirilib. 2027-ci ilə nəzərdə tutulan kişilər arasında basketbol üzrə dünya çempionatı da bu şəhərə salınıb. Nəhayət, Dohada hər il tennis, “Formula-1” və motoidman yarışları keçirilir. Beynəlxalq idman tədbirlərinin təşkili sahəsində böyük təcrübəyə yiyələnən şəhərdə artıq Olimpiya Oyunları üçün tələb olunan infrastrukturun 90 faizi yaradılıb.

Doha Qətər yarımadasının mərkəzi-şərq hissəsində yerləşir və şərqdə Fars körfəzinin suları ilə yuyulur. Şəhərin ərazisi 158,72 kilometrdi.