La Liqanın 12-ci turunda keçiriləcək on matçdan ikisi baş tutmayacaq.

“Valensiya” – “Real” və “Vilyarreal” – “Rayo Valyekano” matçları təxirə salınıb. Buna Valensiyada və ətraf bölgələrdə baş verən təbii fələkət səbəb olub. Leysan yağışı və daşqınlar nəticəsində onlarla insan həlak olub və yerli hakimiyyət regionda matəm elan edib.

Qeyd edək ki, İspaniya kubokunun oktyabrın 30-31-də keçirilməli olan “Valensiya” – “Parla”, “Levante” – “Pontevedra”, “Manises” – “Xetafe”, “Exea” – “Erkules”, “Xove” – “Real Sosyedad”, “Xeres” – “Seuta” və “Çiklana” – “Osasuna” matçları təxirə salınıb.