“Məncə, Albaniya çempionatının səviyyəsi o qədər də aşağı deyil” – Rüfət Quliyevlə Amil Yunanov düz deyir?
Cəmi iki ay əvvəl Albaniyanın “Bülis” klubunda işə başlayan iki həmvətənimiz - Rüfət Quliyevlə Amil Yunanov bu həftə vətənə döndü.
Dəlilləri də bu oldu ki, klub onlar qarşısında maliyyə öhdəliklərini yerinə yetirmir. “Football-plus.az” həm Quliyevə, həm də Yunanova artıq tribuna verub. Bu dəfə isə Albaniyada çıxış edən bir başqa həmvətənimizi – “Eqnatiya”nın müdafiəçisi Zamiq Əliyevi danışdırmağa qərar verdik. Doğrudanmı Albaniya futbolunda maliyyə durumu belə çətindi? Klublar öhdəliklərinə əməl etmirlər? Zamiqin “Football-plus.az”a cavabı:
“Şükür ki, bizdə belə problem yoxdu. Hər ay vaxtında maaşımız verilir. Amma bir çox klublar maaşı gecikdirir. Azərbaycandakı bəzi klublar kimi 2-3 ay-filan gecikmələr olur. Dostarımınn dediyinə görə, bir çox klublarda gecikmə var. Məncə, Albaniya çempionatının səviyyəsi o qədər də aşağı deyil. Elə klublar var ki, bəli, aşağı səviyyədədi, maaşları gecikdirirlər. “Vlajniya”, “Tirana”, “Partizani”, “Elbasani”, “Dinamo” və “Skenderbeu” kimi klublar madi baxımdan yaxşıdı. Belə baxanda çempionatımız Az’rbyacanla eyni səviyyədədi. 5-6-sı sponsorlu klublardı ki, problem eşitməmişəm. Rüfət Quliyevlə Amil Yunanovun Allah köməyi olsun. İnşallah, onlar üçün daha xeyirlisi olar. Amma hazırda “Eqnatiya”da maddi sıxıntım yoxdu”.
RÖYANƏ OĞUZ
