Bu gün basketbol üzrə Avroliqada yeni mövsüm start götürəcək. Oktyabrın 5-6-da keçiriləcək oyunlarda bu cütlər qarşılaşacaq:

Srvena Zvezda (Serbiya) – ASVEL (Fransa)
Makkabi T-Ə (İsrail) – Partizan (Serbiya)
Bavariya (Almaniya) – Alba (Almaniya)
Barselona (İspaniya) – Efes (Türkiyə)
Virtus B (İtaliya) – Jalgiris (Litva)
Fənərbaxça (Türkiyə) – Milan (İtaliya)
Panatinaikos (Yunanıstan) – Olimpiakos (Yunanıstan)
Valensiya (İspaniya) – Monako (Fransa)
Baskoniya (İspaniya) – Real (İspaniya)

"Football-plus.az" xəbər verir ki, bu arada Litvanın məşhur “BasketNews” saytı mövsümün startı ərəfəsində turnirin ən güclü komandalarının “10-luğ”unu hazırlayıb. İlk “10-luğ”u “Partizan” qapayır. Serbiyanın digər nəhəngi “Srvena Zvezda” isə ən yaxşılar siyahısına salınmayıb.

“BasketNews”un yeni mövsüm ərəfəsindəki reytinqi:
1. “Real”
2. “Monako”
3. “Olimpiakos”
4. “Panatinaikos”
5. “Barselona”
6. “Efes”
7. “Fənərbaxça”
8. “Milan”
9. “Makkabi” (T-Ə)
10. “Partizan”

Bu arada “Partizan”ın mətbuat xidməti Avroliqanın qarşıdakı mövsümü üçün 16124 abonementin satıldığını açıqlayıb. Bu isə Avroliqanın yeni rekordu deməkdi. Klub prezidenti Ostoya Miyayloviç rekordla bağlı belə deyib: “Avropanın hansısa komandasının nə vaxtsa bu rekordu qırıb-qırmayacağını bilmirəm. Azarkeşlərimiz sağ olsun, bütün gözləntilərimizi aşdılar”.

Ötən il Belqrad komandasının Avroliqaya dönüşü şərəfinə 11500 abonement satılmışdı. Bu isə 18500 yerlik “Ştark Arena”nın üçdəikisinin hər oyunda dolması demək idi. Yeni mövsüm üçün yerlərin artıq 87 faizi tutulub.