Yaxın keçmişdə Türkiyə futbolunda nəticələri ilə diqqəti çəkən, hətta bir müddət nəhənglərin qənimi sayılan “Akhisarspor” indi çox üzücü vəziyyətdədi.

EMaddi çətinliklər üzündən çox tez əvvəlki gücünü itirən və ildən-ilə zəifləyən Ege bölgəsinin təmsilçisi hazırda Türkiyənin Regional Həvəskarlar Liqasında çıxış edir. Özü də bu komanda yeni mövsümdə ilk iki turdan sonra 16 qol buraxıb! Belə ki, “Akhisarspor” ilk turda səfərdə “Etispor”a 0:9, ikinci turda evdə “Manisa 1965 Spor”a 0:7 hesabı ilə məğlub olub. Bu gedişlə komanda, ümumiyyətlə, fəaliyyətini dayandıra bilər. İlk turdakı biabırçı məğlubiyyətdən sonra “Akhisarspor”un azarkeş qrupu olan “Akiqolar”ın paylaşımında bu ifadələrə yer verilmişdi:

Daha bir maraqlı fakt odu ki, ilk turda “Etispor”la oyunda “Akhisarspor”un ehtiyatında cəmi bir futbolçu var imiş. Qeyd edək ki, Manisa şəhərini təmsil edən və 1970-ci ildə qurulan “Akhisarspor” tarixində ilk dəfə 2012-də superliqaya yüksəlmiş və ardıcıl 7 il elitada oynamışdı. Bəlkə də çoxları bu faktı unudub, amma hazırda “Qalatasaray”ı uğurla çalışdıran Okan Buruk məşqçi karyerasında ilk titulunu məhz bu kollektivlə qazanmışdı.

2017/18-də Burukun “Akhisarspor”u ölkə kubokunda tarix yazaraq yarımfinalda “Qalatasaray”ı, finalda isə “Fənərbaxça”nı üstələmiş və bu titula sahib çıxmışdı. Bu zəfərdən sonra Buruk rəhbərliklə maddi baxımdan anlaşa bilməyərək ayrılmışdı. Buna baxmayaraq, bir neçə ay sonra “Akhisarspor” bu dəfə Saffet Suşiçin başçılığı altında “Qalatasaray”ı penalti seriyasında üstələyərək ölkə superkubokunu qazanmışdı!

Amma bu başgicəlləndirici uğurlardan və Avropa Liqasının qrupunda oynadıqdan sonra “Akhisarspor” sürətlə Türkiyə futbolundan silinməyə başladı.