“Kantona gedəndən sonra da MY qələbə qazanırdı” - Horner Nyuini məşhur futbolçularla müqayisə etdi
“Red Bull”un rəhbəri Kristian Horner mühəndis Edrian Nyuinin gedişinin komandanın nəticələrinə təsir göstərib-göstərməyəcəyi ilə bağlı gümanlarını bölüşüb:
“Nyuinin bizlə olduğu vaxtları çox xoş hisslər ilə xatırlayırıq. Ancaq həyat davam edir. Bizim hələ də əla komandamız var, böyük gücə malikik. Erik Kantona gedəndən sonra da “Mançester Yunayted” qələbələri davam etdirdi. Hər şey inkişaf etməlidi. Və mən düşünürəm ki, Nyuidən estaferi almaq və davam etdirmək üçün zəruri olan hər şeyimiz var”.
Həmkarlarımız Hornerə Kantonanın 1997-ci ildə karyerasını bitirdiyini, başqa komandaya qoşulmadığını xatırladanda cavabı belə olub:
“Yaxşı, qoy Kriştiano Ronaldo olsun! Futbolda analogiyalar aparmaq üzrə mütəxəssis deyiləm”.
Sentyabrın 10-da 65 yaşlı Nyuinin “Aston Martin”lə uzunmüddətli müqavilə bağladığı məlum olub. O, adı çəkilən komandaya gələn ilin martında qoşulacaq. Həmin vaxta qədər isə “Red Bull” ilə əməkdaşlıq edəcək.
Britaniyalı mühəndis 1988-ci ildən “Formula-1”də çalışır.
Digər xəbərlər
