“Həyatımda ilk dəfə avtoqol vurmuşam” – etiraf, yoxsa bəraət?
Çərşənbə axşamı U-21-in növbəti darmadağını izlədik.
İngiltərə gənclərimizi 7 qolla məyus etdi. Daha doğrusu, rəqib 6 qol vurdu, təəssüf ki, “Arda”da legioner həyatı yaşayan Cəlal Hüseynov da avtoqolla yadda qaldı. Həmin zərbə o qədər qəribə alındı ki, tanımayanlar Cəlalı rəqibin futbolçusu bilərdilər.
Bolqarıstanda legioner həyatı yaşayan futbolçu “Football-plus.az”a açıqlamasında həmin epizodu dəyərləndirdi:
“Futboldu, hər şey ola bilir. Ora çıxıb oynamaq vacibdi. Əlindən nə gəlirsə etmək, o atmosferdən həzz almaq lazım idi. Avtoqola gəlincə, bu, hər futbolçunun başına gələ bilər. Həyatımda ilk dəfə avtoqol vurmuşam. Qeyri-adi bir şey yoxdu. Futbolçusansa, belə şeylər başına gələ bilər”.
RÖYANƏ OĞUZ
Digər xəbərlər
