“Mən 50-100 dəfə demişəm ki...” - “Sumqayıt”ın mətbuat katibi
“Mehdi Hüseynzadə”də aylardı davam edən qaz problemi hələ həllini tapmayıb.
“Sumqayıt” klubu ilə şəhər İcra Hakimiyyəti arasında yaranan anlaşmazlıqdan ən çox futbolçular əziyyət çəkir. Onların hamamdan istifadə edə bilməməsi adi problem deyil. Hələ yaxşı ki “Dinamo-Minsk” ilə “Harts” arasındakı oyunda işlər yoluna qoyulmuşdu. Yoxsa Sumqayıtın qaz problemi Avropaya “ayaq açacaqdı”.
Bəs 10-cu turda “Səbail”in futbolçuları üçün yuyunmaq imkanı yaradılacaqmı?
“Sumqayıt”ın mətbuat xidmətinin rəhbəri Zaur Xudiyevin “Football-plus.az”a cavabı belə oldu:
“Mən də oyun günü biləcəm. Qazı açsalar, istu suyu verəcəyik, açmasalar, verməyəcəyik. Mən 50-100 dəfə demişəm ki, bizdən aslı olan şey deyil. Bizim kluba heç bir aidiyyətı yoxdu, stadionun problemidi. Biz, sadəcə, qonaq kimi gedib oyunumuzu oynayır, çıxırıq. Həmin gün qaz olsa, isti su olacaq, verilməsə, olmayacaq. Bu qədər”.
RÖYANƏ OĞUZ
Digər xəbərlər
