Millətlər Liqasında İtaliyanın İsraili 4:1 hesabı ilə məğlub etdiyi qarşılaşmada səssiz-sədasız şəkildə tarixi bir olay yaşandı.

74-cü dəqiqədə əfsanəvi Paolo Maldininin oğlu Daniele meydana çıxdı. 2003-cü ilə təvəllüdü vinger yığmada debüt etdi. Bununla da Maldini ailəsi 3 fərqli nəsildə bir yığmanın heyətində təmsil olunmaqla futbol tarixində bir ilkə imza atdı. Daniele meydana çıxarkən atası Paolonun İtaliya yığmasında keçirdiyi son oyundan 22 il 118 gün, babası Çezarenin yığmada keçirdiyi son oyundan isə 61 il 1 gün ötmüşdü.

Qeyd edək ki, ''Milan''ın yetirməsi olan Daniele hazırda ''Montsa''da çıxış edir.

ƏLİ