Dünən Millətlər Liqasının 4-cü turu çərçivəsində İtaliya İsraili qəbul etdi.

İtaliyanın Udine şəhərində yerləşən ''Blueenergy'' stadionunda baş tutan oyundan öncə diqqətçəkən olaylar yaşandı. Belə ki, italiyalı futbolsevərlər Fələstində minlərlə insanı qətlə yetirən İsrail üçün etiraz aksiyası keçirdilər. Həmin aksiyada italiyalı fanatlar Fələstin bayrağı, eləcə də bu ölkənin lehinə pankartlar açdılar. Həmin pankartlarda ''heç nə baş verməmiş kimi davrana bilmərsiz. ''Bu sadəcə idmandı'' deyib özünüzü haqlı göstərə bilmərsiz. Soyqırımı durdurun. İsrail FİFA-dan kənarlaşdırılsın'' kimi cümlələrə yer verildi.

Oyunöncəsi yaranan gərgin ab-havanı nəzərə alan İtaliya polisi təhlükəsizliyi də gücləndirməli oldu. Ən əsası stadionun damına snayperlərin yerləşdirilməsi diqqətdən qaçmadı. Yerli fanatlar İsrailin himnini də fitə basmağı unutmadılar. Amma gərginlik oyuna sirayət etmədi və İtaliya 4:1 hesablı asan qələbə qazandı.

ƏLİ