“İndiki məqamda günahkar daha çox futbolçulardı. Yeni baş məşqçi yoldaşlıq görüşləri olmadan, birbaşa rəsmi qarşılaşmalarda komandanı meydana çıxarıb. Aydın məsələdi ki, uzunmüddətli müqavilə bağlanıb. Gələcək üçün dəvət olunub. Təbii ki, portuqaliyalı mütəxəssisin də günahı var. Hər halda, futbolçular daha yaxşı oynamalıdı. Estoniya kimi rəqiblə oyunda qətiyyən belə səhvlərə yol vermək olmazdı. Müdafiə xəttində kobud səhvlər gördük. 3 oyuna 8 qol buraxmışıq və bu çox pis göstəricidi. Mehdi Cənnətovun da xətaları var. Bir sıra legionerlərimiz var ki, onlara ümidlərimiz böyükdü. Söhbət hücum xəttindən gedir. Renat Dadaşov, Mahir Emreli və indi Azərbaycanda oynasa da, legioner həyatı yaşamış Ramil Şeydayev. Bunlar potensiallarından çox aşağı çıxış edirlər. Sanki meydanda gəzirlər. Futbolçular geydiyi milli formanın məsuliyyətini dərk etməlidi. Təəssüf ki, onlarda fədakarlıq və ustalıq səviyyəsi görə bilmirik. Yalnız Elvin Cəfərquliyevi müsbət mənada qeyd edə bilərəm. Hazırda Azərbaycanın ən yaxşı futbolçusudu. Elvin həm “Qarabağ” həm də millidə gözəl oyun nümayiş etdirir. Bir çox futbolçularımız üçün nümunədi. Onlar da Elvin kimi oynasalar, məğlubiyyətləri sıralamazdıq”.

Futbolçular və baş məşqçi günahkar deyil. Futbolçu hər kəsdən çox qələbə qazanmaq istəyir. Bacarmayandan sonra neyləyəsən?! Eyni halı da baş məşqçiyə şamil etməliyik. Portuqaliyadan bura kimə gəldi uduzmağa gəlməyib. Bacarmırlar və uzun müddət də bacarmayacaqlar. Heyətimizdəki futbolçularla ümid bəsləmək olmaz. Futbolumuzun bu gündə olmasına görə futbolçuları günahkar deyil. Bəlkə də futbolumuz illər sonra nisbətən yaxşı səviyyədə olacaq”.