''Frayburq'' rəhbərliyi ilə görüşdən sonra ən azı yanvara qədər qalacağımla bağlı anlaşdıq. Amma transfer dönəminin bitməsinə bir gün qalmış ''Qalatasaray'' rəsmiləri bizimlə əlaqə quraraq bu keçidi tamamlamaq istədiklərini söylədilər. Mən də artıq dəyişiklik üçün ən ideal zamanın gəldiyini düşündüm. Həm də ''Frayburq''da keçirdiyim 6 mövsümdən sonra klubda mənə layiq olduğum dəyəri vermədiklərini hiss etdim. İdman direktoru ilə sonuncu dəfə görüşdüm və onun cavabından belə aydın oldu ki, ayrılmağıma qarşı deyillər. ''Qalatasaray'' kimi böyük kluba gəldiyim üçün qürurluyam. İnkişaf etməyim üçün mümkün olan ən düzgün qərarı verdim. Bu cür ulduzların yer aldığı komandada inkişaf etmək daha asandı. Sözsüz ki, müəyyən çətinliklər olacaq. Amma bu çətinliklərə hazıram. Bu cür ulduzlarla eyni klubda oynamağa layiq olduğumu sübut etmək istəyirəm. Düzdü, yığma ilə müqayisədə ''Qalatasaray''da tamam fərqli sistemlə oynayırıq. Amma mən universal futbolçuyam və 3 fərqli mövqedə oynamağı bacarıram''.