Mutombo həyatdan köçdü... - blok-şotların dahisi “xərçəng”dən əziyyət çəkirdi
MBA tarixinin ən güclü müdafiə oyunçularından biri Dikembe Mutombo 58 yaşında vəfat edib. Dünyanın ən güclü basketbol liqasında 18 mövsüm keçirən konqolu hələ basketbol karyerasını davam etdirərkən xeyriyyəçiliklə məşğul idi.
Mutombo beyin xərçəngindən ölüb – onda şiş 2022-ci ilə aşkarlanmışdı. Uzun müddət Atlantada müalicə alsa da, yaxşılaşmadı və 58 yaşında dünyadan köçdü. Ölüm anında Dikembenin yanında ən yaxın adamları olub. Ancaq əfsanəbi mərkəz oyunçusunun dünyadan gedişinə basketbol dünyasından çoxları reaksiya verib.
MBA-nın komissarı Adam Silver:
“MBA-nın birinci qlobal səfiri roluna Dikembedən yaxşı uyğun gələn yox idi. O əzəldən humanist adam idi. Basketbolun cəmiyyətə müsbət təsir göstərmək üçün nə edə biəcəyi Dikembe üçün cəlbedici mövzu idi. Xüsusən də doğma Konqo Demokratik Respublikasında və bütün Afrika qitəsində. Dikembe ilə bütün dünyanı gəzmək şərəfinə nail olmuşam, onun səxavətinin və canıyananlığının adamları necə ruhlandırdığını görmüşəm. Uzun illər ərzində MBA-nın tədbirlərinin əvəzolunmaz siması idi – cəlbedici gülüşü və uca səsi ilə. Dikembenin böyük ürəyinə heyranlıq duyan çoxlu adamdan biriyəm. Onun üçün çox darıxacam”.
Mutombo hələ 1997-ci ildə, parket üzərində çıxış edərkən Konqo DR-də ölkə əhalisinin sosial şəraitini yaxşılaşdırmaqla məşğul olan fond yaradıb. 2006-cı il sentyabrın 2-də isə basketbolçunun tikdirdiyi və 1997-ci ildə dünyasını dəyişən anası Byamba Mari Mutombonun adını daşıyan pulsuz xəstəxana açılıb. Basketbolçunun anası küçə iğtişaşları üzündən xəstəxanaya çatdırılmamışdı. Dikembe xəstəxananı doğma şəhəri Kinşasanın kənarında tikdirib, tikinyi 25 milyon dollara başa gəlib ki, bu vəsaitin yarıdan çoxunu özü ortaya qoyub.
Dikembe xeyriyyəçilik fəaliyyətinə görə çoxlu mükafat alıb: o, C.Uolter Kennedinin adını daşıyan mükafatın ilk ikiqat qalibidi. Bu mükafatı MBA xeyriyyəçilik sahəsində özünü ən yaxşı tərəfdən göstərən oyunçuya və ya məşqçiyə verir. Dikembe həmçinin MBA-nın “Sərhədsiz basketbol” proqramında iştirak edib, 2009-cu ildə liqanın ilk səfiri olub.
Mərhum basketbolçunun karyerasına gəlincə, MBA-da 18 mövsüm keçirib. Mərkəz oyunçusu mövqeyində çıxış edib, tarixin ən yaxşı müdafiə oyunçularından biri sayılır.
Blok-şotların sayına (3289) görə hələ də MBA tarixinin ikincisidi. Mutombo karyerası boyunca 6 klub dəyişib, “Atlanta”, “Hyuston” və “Denver”in şərəfini daha uzun müddət qoruyub.
Dikembenin adı 2015-ci ildə basketbolun Şöhrət zalına salınıb. Fransalı Rudi Qober mayda 4-cü dəfə müntəzəm mövsümün ən yaxşı müdafiə oyunçusu sayılmaqla onun rekordunu təkrarlayıb.
“Atlanta” və “Denver” vaxtilə konqolunun daşıdığı 55 nömrəli formanı istifadədən çıxarıb.
Digər xəbərlər
