“Şamaxı” ilə oyunda “Turan Tovuz”un start heyəti çoxları kimi məni də təəccübləndirdi, eyni zamanda yerli akademiyanın gənc yetirməsi Sadiq Şəfiyevin debütü çox sevindirdi. Düşünürəm ki, Berdiyev son oyunları ciddi təhlil etmiş, komandadaxili atmosferi və ümumi ab-havanı dəyişmək üçün gözlənilməz rotasiyaya əl atmışdı. Bu addım düşünürəm ki, hər bir futbolçu üçün ciddi siqnal olmalı, əvəzolunmazlıq sindromunu aradan qaldırmalıdı. Təcrübəli məşqçinin karyerasında bu kimi hallar tez tez baş verib. Öz-özlüyündə maraq doğuran haldı, yəqin ki, növbəti oyunlarda da belə halların şahidi olacağıq”.