“Oyunu “böyük beşlik” ölkələrinin birindən olan hakim idarə edirdi. İdarəçiliyi çox yüksək səviyyədə, əla idi. Əlavə nəsə deməyə ehtiyac da yoxdu.Təyin etdiyi penalti də düzgün idi. Drequşinə verdiyi qırmızı vərəqə də düz idi, o, Juninyonu aşkar qol imkanından məhrum etdi. Göstərdiyi sarı vərəqələr də yerində oldu. Hakim oynamağa imkan verirdi. Hələ ki heç bir fransalı hakim siyasi oyunlara qoşulmur. Çünki UEFA və FİFA var. Bu görüşü də çox yüksək səviyyədə idarə etdilər. Delajonun qərarlarının hamısı düzgün idi, heç bir irad ola bilməz. Bəlkə də başqa bir hakimin o penalti ilə bağlı müəyyən şübhəsi ola, VAR-a müraciət edə bilərdi. Amma Delajo qətiyyətlə göstərdi, çünki mövqeyi də əla idi. VAR-dan da dəstək gəldi. İdarəçiliyini yüksək qiymətləndirirəm”.