“Basket News” nəşri Avroliqanın 2024/25 mövsümü ərəfəsində heyətində MBA təcrübəsi görən oyunçuların ən çox və ən az olduğu komandaların adını açıqlayıb, ümumiyyətlə, bu mövzuda maraqlı hesabat hazırlayıb.

“Barselona”nın oyunçularının MBA təcrübəsi daha zəngindi. Kataloniya klubunun 8 basketbolçusu MBA-da ümumilikdə 1898 oyun keçirib. “Real”da da 8 sabiq MBA oyunçusu var, sadəcə, onların oyun sayı daha azdı (1576). Bu göstəricidə 3-cü yerdə toplam 1525 oyunla “Panatinaikos” qərarlaşıb.
Avroliqanın debütantlarından olan “Paris” bu mənda tam təcrübəsizdi: Fransa paytaxtının təmsil edən komandanın heyətində MBA-nın sabiq oyunçularından heç kim yoxdu.

Avroliada yeni mövsümün startına üç həftə qalmış iştirakçı komandaların heyətində vaxtilə MBA-da çıxış etmiş 97 oyunçu yer alıb. Bu isə ötən mövsümlə müqayisədə bir oyunçu çoxdu. Heyətində sabiq MBA oyunçularının ən çox (10) olduğu komanda “Olimpiakos”du.

Ayrı-ayrı oyunçular haqda danışsaq, “Real”ın mərkəz oyunçusu Serj İbaka MBA-da keçirdiyi oyun sayına görə liderdi. O, dünyanın aparıcı basketbol liqasındakı 14 illik karyerası boyunca 919 oyuna çıxıb. İbaka həm də Avroliqanın yeni mövsümündə çıxış edəcək 8 MBA çempionundan biridi.