Toni Kroos yaşıl meydanı tərk etsə də, futboldan ayrılmaq niyyətində deyil. “Real”ın və Almaniya yığmasının sabiq yarımmüdafiəçisi Madriddə yeni futbol klubu açmağı planlaşdırır.

"Football-plus.az" xəbər verir ki, klub məhz Toni Kroosun adını daşıyacaq. Bu layihənin uşaqlar üçün nəzərdə tutulacağı bildirilir. Kroos son bir neçə həftə ərzində Kral Madrid Futbol Federasiyası və “Encinas de Boadilla” idman klubunun rəsmiləri ilə danışıqlar aparıb.

Xatırladaq ki, onun peşəkar karyerasında son matçı bu il vətənində təşkil edilən Avropa çempionatının 1/4 finalında İspaniyaya qarşı keçirib. Həmin oyunda turnirin gələcək çempionu 2:1 hesabıyla qalib gəlib.