Naqelsmann Səudiyyə Ərəbistanında oynayan futbolçunu yığmaya çağırarmı?
Niderland yığmasında baş məşqçi Ronald Kuman ilə Stiven Berqveyn arasında yaşanan sözlü atışmaya Almaniya yığmasının baş məşqçisi Yulian Naqelsmann da münasibət bildirib.
Xatırladaq ki, 26 yaşlı Berqveyn bir müddət öncə ''Ayaks''dan ayrılaraq Səudiyyə Ərəbistanına yollanmışdı. Kuman isə futbolçunu idman ambisiyalarının olmamasında günahlandırmış və onu artıq yığmaya çağırmayacağına işarə vurmuşdu. Berqveyn də öz növbəsində Kuman baş məşqçi olduğu müddətdə yığmada oynamayacağını demişdi.
Naqelsmann isə bu mövzuda bunları deyib:
''Kumanı anlayıram. Onun idman prinsiplərinə önəm verməsi normaldı. Hər halda Səudiyyə Ərəbistanı çempionatının səviyyəsi ilə Avropadakı çempionatların səviyyəsi eyni deyil. Amma mən ora yollanmağa qərar verən futbolçunun üzərindən birdəfəlik xətt çəkmərəm. Səudiyyə Ərəbistanında çıxış edən futbolçunu yığmaya çağırmağım mümkündü''.
ƏLİ
