Türkiyədə oynamış braziliyalı vətənində silahlı soyğuna məruz qaldı
Türkiyəli futbolsevərlərə gözəl tanış olan, hazırda karyerasını vətəni Braziliyada davam etdirən Jozef de Souza xoşagəlməz olayla üzləşib.
Təcrübəli futbolçu silahlı soyğuna məruz qalıb. Özəl əşyalarının oğurlandığını bildirən 35 yaşlı futbolçu özünün və oğlunun durumunun qaydasında olduğunu bildirib. Hadisədən sonra sosial şəbəkədə canlı yayın açan Souza bunları deyib:
''Quldurlar ayağımdakı çəkələkləri belə götürdülər. Adamın əlində tüfəng var idi. Oğlumla bir yerdə idim. Maşını da oğurladılar. Oğlumu ordan uzaqlaşdırdım. Durumumuz qaydasındadı''.
''Sambaçı'' Türkiyəyə ilk dəfə 2015-də ''Fənərbaxça''ya transfer olunaraq gəlib. 2018-də ''Əl-Əhli''yə yollanan Souza 2020-də yenidən Türkiyəyə qayıdaraq bu dəfə ''Beşiktaş''ın futbolçusuna çevrilib. Burda həm həm çempionluq sevinci yaşayan, həm də ölkə kubokunu qazanan braziliyalı qısa müddətli ''Beytsin Qoyan'' macərasından sonra bu ilin yanvarında 3-cü dəfə Türkiyəyə gələrək ''İstanbul BŞ''yə transfer olunmuşdu.
Hazırda o, ''Vasku da Qama''nın şərəfini qoruyur.
ƏLİ
