Ukrayna Basketbol Federasiyası (UBF) milli komandanın məşqçisi Artyom Slipençukla oyunçusu Artyom Pokoyenkonu ömürlük diskvalifikasiya edib.

"Football-plus.az" xəbər verir ki, Slipençukla Pokoyenko təlim-məşq toplanışının ardından Ukraynaya qayıtmayıb. UBF-nin İcraiyyə Komitəsi onların hər ikisini diskvalifikasiya etməyə qərar verib. Belə ki, Ukraynada mobilizasiya şəraitində kişi cinsindən olan şəxslərin sərhədi keçməsiylə bağlı sərt məhdudiyyətlər var.

34 yaşlı Slipençuk “Krivbass”ın və Ukraynanın gənclərdən ibarət yığmasının baş məşqçisi olub. 20 yaşlı Pokoyenko isə superliqanın ötən mövsümündə “Zaporojye”nin şərəfini qoruyub.