Peruda futbolda nadir görülən hadisə baş verib. Futbolçu meydanda qaydanı pozmasa da, sərt cəzalanıb.

“Atletiko Avaxun”un oyunçusu Sebastyan Munyos Peru kubokunun “Kantorsilyo” ilə matçında çətin vəziyyətə düşüb. O, təbii ehtiyacını ödəmək üçün oyunçulardan birinin zədələnməsini gözləyib. Nəhayət, Sebastyan bir futbolçuya tibbi yardım göstərilərkən künc bayrağının yaxınlığında ehtiyacını ödəyib. Amma bu hərəkəti ona baha başa gəlib.

Hakim qazonu isladan futbolçuya qırmızı vərəqə göstərib. Maraqlıdı ki, Sebastyan oyundan bir gün əvvəl doğum gününü qeyd edib...