Bir aya yaxındı Bakıya gələn Aleksey Kaşuk hələ də Ukraynaya qayıtmayıb. “Sabah”ın sabiq ulduzu “Qarabağ”ın Zaqreb “Dinamo”su ilə cavab görüşünü də "Tofiq Bəhramov"dan izləyəcək.

“Football-plus.az”ın məlumatına görə, futbolçu sentyabrın 1-də keçiriləcək “Zirə” - “Qarabağ” oyununu da stadiondan izləmək fikrindədi. Kaşuk Azərbaycan klublarından biri ilə danışıq aparır, eyni zamanda başqa ölkəyə getmək ehtimalı da var.

Qeyd edək ki, Kaşuk ilk dəfə “Qarabağ”ın “Linkoln”lə cavab görüşünü izləyənlər arasında görünmüşdü. Ondan sonra ukraynalı futbolçu müntəzəm həm “Sabah”ın, həm də “Qarabağ”ın ev oyunlarında olur.

RÖYANƏ OĞUZ