Araz-Naxçıvan - Neftçi (Bakı) 1:1 (1:0)
12. Kristian Avram - 5,0
34. Urfan Abbasov - 5,5
3. Bəxtiyar Həsənalızadə - 5,5
6. Vadim Abdullayev (k) - 6,0
26. Ömər Buludov - 6,5
16. Ramon Maçado - 5,5
29. Vanderson Melo - 5,5
23. Nuno Rodriges - 5,0
14. Miço Kuzmanoviç - 5,5
(10. Bernardo Dias, 77) - qiymətsiz
4. İqor Ribeyro - 5,0
97. Felipe Santos - 5,5
(7. Ülvi İsgəndərov, 84) - qiymətsiz
Ehtiyat oyunçular
94. Tərlan Əhmədli
1. Vüsal Şabanov
2. Slavik Alxasov
22. Elçin Mustafayev
20. Turan Vəlizadə
88. Tuqay Əlizadə
11. Bayraməli Qurbanov
24. Mustafa Əhmədzadə
Baş məşqçi: Elmar Baxşıyev
Komandanın ən yaxşısı: Ömər Buludov

93. Rza Cəfərov - 5,5
10. Filip Ozobiç - 5,0
(17. Rəhman Hacıyev, 58) - 5,0
19. Azər Salahlı - 5,0
(24. Mustafa Sek, 58) - 5,0
90. Ramil Şeydayev (k) - 6,5
14. Edvin Kuç - 5,0
(13. Emil Səfərov, 41) - 5,5
6. Rafael Quzzo - 5,5
(8. Emin Mahmudov, 70) - 5,0
99. Ervin Koffi - 5,5
44. Yuri Matias - 6,0
23. Robert Bauer - 5,0
11. Kilan Lebon - 5,5
88. Andrey Ştoqrin - 5,5
(9. Andre Şinyaşiki, 70) - 5,0
Ehtiyat oyunçular
1. Emil Balayev
30. Rustam Samiqullin
3. Höccət Haqverdi
7. Azər Əliyev
4. Mark Tamaş
20. Alfa Konte
77. Yeqor Boqomolski
Baş məşqçi: Roman Qriqorçuk
Komandanın ən yaxşısı: Ramil Şeydayev

Qollar: Ö.Buludov, 16 (1:0). R.Şeydayev, 90+4 (1:1, Y.Matias).
Vərəqələr: M.Kuzmanoviç, 26 (qeyri-idman hərəkəti). E.Kuç, 38 (qeyri-idman hərəkəti). İ.Ribeyro, 41 (oyunun bərpasının ləngidilməsi). M.Sek, 70 (qeyri-idman hərəkəti). E.Koffi, 72 (qeyri-idman hərəkəti). E.Səfərov, 75 (qeyri-idman hərəkəti). K.Lebon, 79 (hakimin qərarına etiraz). Ö.Buludov, 79 (qeyri-idman hərəkəti). V.Abdullayev, 81 (qeyri-idman hərəkəti). R.Cəfərov, oyundan sonra (qeyri-idman hərəkəti) - sarı.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Əkbər Əhmədov (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: İmanxan Sultani (Bakı).
AFFA nümayəndəsi: Kifayət Mustafayeva (Bakı).
24 avqust. Bakı, "Liv Bona Dea Arena". 450 tamaşaçı (6500 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 5,5.

Mərdəkanda keçirilən matç komandalar üçün xüsusi əhəmiyyət daşıyırdı. Həm "Araz-Naxçıvan", həm də "Neftçi" yola yeni baş məşqçi ilə davam edir, onların hər biri, xüsusən də Roman Qriqorçuk qələbəyə can atırdı. Daha bir diqqətçəkən məqam Emin Mahmudovun start heyətində olmaması və kapitan sarğısının Ramil Şeydayevə verilməsi idi.

Əlbəttə, qələbə hamı üçün şirindi, amma "Neftçi" ilə bağlı gözləntilər və məlum təzyiq nominal qonaqların məsuliyyətini birəbeş artırmışdı. Bu, bakılıların ilk dəqiqələrdə göstərdiyi oyundan da hiss olundu. Bakılılar ciddi təzyiqlə irəli atılır, hesabı açmağa tələsirdi. Lakin vacib anlarda yol verilən səhvlər işi xeyli çətinləşdirdi. 11-ci dəqiqədə Ştoqrin Ramilin qapı önünə göndərdiyi topa çata bilmədi. Bir qədər sonra yaranan təhlükəli vəziyyət isə "qırmızı-ağlar"ın hesabı açmasıyla nəticələndi. Meydan sahiblərinin 16-cı dəqiqədə qazandığı künc zərbəsindən sonra Santos "çərçivə"ni dəqiq nişan ala bilməsə də, Ömər müdafiə xəttindən qayıdan topu tora qovuşdurdu. Növbəti hücum cəhdinin müəllifi də "Araz-Naxçıvan" oldu. Matiasın cərimə meydançası daxilindəki səhvi Santosun qapıya zərbəsiylə nəticələnsə də, Rza yerində idi. Qayda pozuntusu qeydə alındığından mümkün qol sayılmayacaqdı.
Hissənin sonlarında qarşılıqlı hücumlara şahidlik etdik. Əvvəl meydan sahiblərindən Maçado fürsəti boşa verdi. 43-cü dəqiqədə Ramilin zərbəsi "çərçivə"yə tuş gəlsə də, Avram əla seyvlə yadda qaldı. Qolkiper bir qədər sonra Şeydayevin növbəti zərbəsini dəf etdi. Belədə Baxşıyevin komandası fasiləyə öndə yollandı. Qriqorçuk isə vəziyyətdən çıxış yolu tapmalıydı.

İkinci yarı da "Neftçi"nin təzyiqi ilə başladı. Quzzonun cərimə meydançası daxilinə ötürməsinə əvvəl Bəxtiyar, bir qədər sonra Vadim mane oldu. 51-ci dəqiqədə Ştoqrinin zərbəsi qapının üzərindən keçdi. "Araz-Naxçıvan"ın fərqi artırmaq istəyi özünü 63-cü dəqiqədə büruzə verdi. Təkbaşına cərimə meydançasına daxil olan Santos Maçadoya ötürmə verdi ki, sonuncunun zərbəsini Rza zərərsizləşdirdi. Bu ərəfədə naxçıvanlıların təşəbbüsü ələ aldığını qeyd etməliyik. "Ağ-qaralar" təhlükəli vəziyyət yaratmaqda çətinlik çəkirdi. "Araz-Naxçıvan" 90+1-ci dəqiqədə növbəti dəfə fərqləndi. Burda Maçado oyundankənar vəziyyətdə olduğundan qol qeydə alınmadı. Bu epizod çox müzakirə doğurmasa da, "Neftçi"nin hesabı bərabərləşdirməsi ciddi söz-söhbət yaratdı. Belə ki, Lebon fərdi reydlə sona qədər irəliləyib qapıya doğru yumşaq zərbə endirdi. Ardından Avram yorğunluqdan yerdə qalan futbolçuya görə topu meydandan çıxardı. Halbuki Kilan bir qədər sonra ayağa qalxdı. Qısası, "qırmızı-ağlar" “feyr-pley” prinsipini əsas gətirsə də, "Neftçi" topu oyuna daxil edəndən sonra rəqibə qaytarmadı. Nəticədə Ramil 90+4-cü dəqiqədə Matiasın başla ötürməsini qola çevirdi. Beləliklə, "Araz-Naxçıvan" qələbəni əldən verdi, komandalar hərəyə 1 xalla kifayətləndi.

Gözdən qaçmadı
* "Araz-Naxçıvan"ın məşqçilər korpusundan Rasim Ramaldanov 77-ci dəqiqədə texniki zona qaydalarını pozduğu üçün sarı, Elmar Baxşıyev 90+5-ci dəqiqədə rəqibi təhqir etdiyinə görə qırmızı vərəqə aldı.
* "Sektor 85" və "Forza Neftçi" fanklubları tribunada yerini almışdı. Qonaqların azarkeş qrupu oyundan sonra rəqib komandanı təhqir etdi.

KƏNAN BAHADIR