"Təkcə “Turan Tovuz"un futbolçularında, komandada yox, bütövlükdə rayonda xüsusi canlanma var. Yeni baş məşqçiylə komandaya sanki yeni ruh gəldi. Demək olar ki, Tovuzun hər yerində hamı futboldan danışır. Rayonda baş mövzu futboldu. Hamı "Turan Tovuz"dan danışır, komandadan nəticə gözləyir. Buna da böyük ümidlər, şanslar var. Hərtərəfli dəstək var. Komanda elə bil yeni bir mexanizmlə işləyir. Hər kəs oynamaq, yerini möhkəmləndirmək istəyir. Eyni zamanda auditoriya komandadan belə oyun tələb edir. Təkcə tamaşacı yığmaqla deyil, həm də azarkeşlərin fəallığı, komandanı oyunboyu dəstəkləməsi futbolçuları oynamağa sövq edir. Həvəslə də oynayırlar. Hər oyun Tovuzda bir bayramdı. Yeni ruh var, ideologiya var. Berdıyevin necə futbol oynatmaq istıidiyi də bəllidi. Artıq komanda nəticə üçün, həm də sabit oyun nümayiş etdirmək məqsədilə meydana çıxır. Belə davam etsələr, bu nəticəylə Avropaya yollanmaq gözləniləndi. Hər halda, baş məşqçi komandanı dövrələrarası keçidlərdə də sabit saxlamağa çalışmalıdı. Lazımi heyət yığılıb. Bütün göstəricilər tərəqqiyə işarə edir. Komandaya uğurlar arzulayıram. İnanıram ki, Berdıyev futbolçulardan istədiyi nəticəni ala bilər”.