“Latsio” heyətinə yeni oyunçu cəlb edib.

Paytaxt klubu Bulaye Dianı “Salernitana”dan icarəyə götürüb. 27 yaşlı seneqallı hücumçu romalıların heyətində bu status ilə iki il çıxış edəcək. “Latsio” müəyyən şərtlər daxilində onunla daimi əsasda müqavilə bağlamaq hüququna malik olacaq.

Bulayenin bazar qiyməti təxminən 10 milyon avro dəyərləndirilir. O, İtaliyaya gəlməzdən əvvəl “Vilyarreal”da və “Reyms”də top qovub.