Bolqarıstanın "Ludoqorets" klubunun baş məşqçisi Georgi Dermenciyev istefaya göndərilib.

"Football-plus.az" xəbər verir ki, bu barədə klubun yaydığı açıqlamada bildirilib.

Qeyd olunub ki, klub rəhbərliyi "Qarabağ"a ağır məğlubiyyətdən istefa verən məşqçinin bu ərizəsini qəbul edib.

"Georgi Dermenciyev dünən məşqdən əvvəl futbolçularla vidalaşıb. Bu gün isə onun müqaviləsi rəsmən ləğv olunub" - deyə məlumatda bildirilib.

Komandaya müvəqqəti olaraq "Ludoqorets 2"nin baş məşqçisi Zaxari Sirakov rəhbərlik edəcək.

Xatırladaq ki, Razqrad təmsilçisi ÇL-nin 3-cüüçüncü təsnifat mərhələsində Bakıda "Qarabağ"a qalib gəlsə də (2:1), evdəki cavab görüşündə 2:7 hesabı ilə uduzaraq mübarizəni dayandırıb.