Məlum olduğu kimi, “Zirə” avqustun 15-i “Osiyek”i qəbul edəcək. İlk oyundan 1:1 hesablı bərabərliklə qayıdan “qartallar” cavab görüşündə mərhələni keçməyə çalışacaq.

Bəs komandanın hazırlığı nə yerdədi?

“Qartallar”ın kapitanı Qismət Alıyev hazırlıq barədə “Football-plus.az”a danışdı:

“Fikrimizi ancaq və ancaq “Osiyek”lə matça yönəltmişik. Məşqlərə böyük həvəslə yanaşır, intensiv hazırlaşırıq. Komanda olaraq, oyunun əhəmiyyətini yaxşı başa düşürük. İlk görüşdə etdiyimiz səhvləri aradan qaldırmağa çalışırıq. Əlimizdən gələn qədər, ən yaxşı formada çalışırıq. Hazırlıq tam qaydasında davam edir. Çalışacağıq ki, mərhələni keçən tərəf biz olaq”.

RÖYANƏ OĞUZ