"İrəvan" çempionata qayıda bilər - sabiq vitse-prezident son durumu açıqladı
Bilindiyi kimi, "İrəvan" AFFA-nın Lisenziya Komissiyasının tələblərinə cavab verə bilmədiyinə görə 1-ci liqadan kənarlaşdırılıb. Əlbəttə, qərara klubun borc bataqlığında olması da təsir edib.
Bəs Qərbi Azərbaycan təmsilçisinin fəaliyyətinə tam xitam verilibmi? Qısası, komandanı yenidən çempionatlarda görmək mümkün olacaqmı?
Bu suallarla "İrəvan"ın sabiq vitse-prezidenti Alı Alıyevə müraciət etdik. Onun "Football-plus.az”a dedikləri:
"Məndə olan məlumata görə, fəaliyyətə tam xitam verilməyib. Sadəcə, FİFA klubun ölkə çempionatlarında iştirakına qadağa qoyub. Səbəb müxtəlif vaxtlarda burda çalışan əməkdaşlara və xeyli futbolçuya borcların olmasıdı. "İrəvan" bu problemləri aradan qaldırsa, yenidən hansısa çempionatda çıxış etmək üçün AFFA-ya müraciət edə bilər".
Qeyd edək ki, "İrəvan" 2023/24 mövsümündə 1-ci liqada çıxış edib.
KƏNAN BAHADIR
Digər xəbərlər
