Millimizin üzvü Mahir Əmrəli 2024/25 mövsümündə “Nürnberq”in formasını geyəcək.

“Football-plus.az” xəbər verir ki, azərbaycanlı hücumçunun transferini 2-ci bundesliqa təmsilçisinin azarkeşləri birmənalı qarşılamayıb. Klubun rəsmi sosial şəbəkə hesablarında rəy yazan bəzi tərəfdarların fikirlərini təqdim edirik.

Hans Herbst: “Sadəcə, yerli klubunda – “Qarabağ”da böyük uğurlar qazana bilib. Legioner həyatı isə eniş-yoxuşludu. Görəsən, bizim bəxtimizə hansı düşəcək?”
Norbert Hetzner: “Ehtiyat oyunçular skamyası üçün növbəti namizəd. Niyə fəal və çoxlu qol vuran hücumçu ala bilmirsiz?”
Nik Nagel: “Rəylər çox qəribədi. Onun hələ oyununu görməmişik. Əvvəldən tənqid etmək “Nürnberq” azarkeşinə yaraşmır! Meydana çıxandan sonra nələr edəcəyini bilmirik. Gözləyək”
Peder Rudel: “Zədələnənə qədər çox yaxşı performans göstəricilərinə sahib olub. Məncə, uğurlu seçimdi. Uğurlar, yeni uşaq”
Yolomir Meysinger: “Çıxışını izlədim. Onun sayəsində azı 15 xal qazana bilərik. Tez sağal, Mahir. Möhtəşəm transfer üçün təşəkkür edirəm, “Nürnberq”
Rikko Britşe: “Gözlərimə inanmıram! Biz yaralı futbolçu transfer etdik? Gülməli addımdı. Fəal hücumçuya ehtiyacımız var. Mövsüm artıq başlayıb”
Frank Hammer: “Mən aptekə gedirəm. Ağrıkəsici almalıyam”
Stefan Boş: “Görünür, mən hədəfi səhv anlamışam. Bundesliqa yox, 3-cü bundesliqa üçün əziyyət çəkəcəyik”

KƏNAN BAHADIR