“Ludoqorets”i Bakıda kim dəstəkləyəcək?
“Qarabağ” bu gün Çempionlar Liqasının 3-cü təsnifat mərhələsi çərçivəsində “Ludoqorets”lə ilk oyuna çıxacaq.
Qonaqlar Bakıya səfər proqramı ilə bağlı Ağdam klubuna nəsə deyibmi? Eyni zamanda, Bakıya jurnalistlər və azarkeşlər gələcəmki? “Qarabağ”ın mətbuat xidmətinin rəhbəri Anar Hacıyevin cavabı:
“Bizə azarkeşlərlə bağlı dəqiq məlumat verilməyib, ancaq onlar üçün yer ayrılacaq və biletlər satışa çıxarılacaq. Yəni klubun konkret Bolqarıstandan gələn hansısa azarkeş kütləsi yoxdu. Yalnız Bakıda olan azarkeşlərindən kimlərsə gələ bilər. İki jurnalist gələcək ki, onlar da yayınçı şirkətin əməkdaşlarıdı. Bir də klubun öz mediası olacaq”.
Fürsət düşmüşkən, Musa Qurbanlının son durumunu da soruşduq:
“Musanın əməliyyatından artıq 10 gün keçib. Hazırda həkim nəzarətində, fərdi şəkildə fitnes məşqləriylə məşğul olur. Yəqin ki, qarşıdakı günlərdə meydança məşqlərinə başlayacaq”.
KAMAL SƏFƏR
Digər xəbərlər
