“Oyunun çətinliyi haqda nəsə demək şablon çıxacaq” - Samir Abasov
"Sumqayıt" Konfrans Liqasının 2-ci təsnifat mərhələsinin cavab oyunu çərçivəsində Macarıstanda "Fehervar"ın qonağı olacaq.
“Football-plus.az” xəbər verir ki, "kimyaçılar"ın baş məşqçisi Samir Abasov matçdan öncə keçirilən mətbuat konfransında açıqlama verib:
"Oyunun çətinliyi haqda nəsə demək şablon çıxacaq. Rəqibin çempionat oyunlarını da izləmişik. Ümid edirəm, maraqlı oyun olacaq. İstərdim ki, bu dəfə də hakimlərin səhvi olmasın. Bura yaxşı motivasiya ilə gəlmişik. Heyətdə yetərincə itkilər var. Əhvalımız yaxşıdı, nə etmək lazım olduğunu bilirik. Uşaqlar da bunu anlayır. İtkiləri, heyətdəki çatışmazlıqları kənara atmışıq və səfərə yaxşı ümidlərlə gəlmişik. Arenada yaxşı atmosfer olacağını gözləyirəm. Ümid edirəm, bunu öz xeyrimizə çevirə biləcəyik".
Digər xəbərlər
